ظواهر مُدهشة … 2

بالمنشور السابق واللي هو منشور قديم شوي
بس اعدت نشره لتوضيح اللي بدنا نقوله بهاد المنشور .. وهو الجواب على سؤال مين واقف
وراء الشاشة اللي عم تحدد بشكل رسمي سعر صرف الليرة بخلاف البنك المركزي السوري ..

الموضوع مقسوم الى قسمين .. الاول هو جواب
عن السؤال بس ما بقدر استفيض كتير بشرحه
بس هاد جواب أكيد عن من يقف وراء الشاشة ..

هي الشاشة يتم تشغيلها من بيروت .. الارتباط
الاقتصادي والمالي السوري بلبنان كبير جداً
صحيح حصل انفكاك الاقتصادين والليرتين
منذ عام 1951 .. ولكن بقيت و لحد هي اللحظة
السيطرة اللبنانية على الوضع المالي السوري

والشاهد اللي بدي أذكره بدو ياخدنا للقسم التاني
من الموضوع .. والشاهد هو سيطرة البنك المركزي
بلبنان على حوالي 60 مليار دولار من ودائع السوريين ب 2019 .. بشار الاسد حكى بمقابلة وكانت جنبه اسماء عن اكتر من 40 مليار ..
ال 40 اللي بيقصدهن هنن ايداعات الحكومة السورية وكل ما يرتبط فيها من شركات حقيقية
وشركات اوف شور .. وإيداعات المودعين السوريين الغير مرتبطين بالدولة بتوصل ل 20 مليار

والسؤال .. ليش في 60 مليار دولار للحكومة السورية والشعب السوري موجودين دفعة واحدة
بالبنوك اللبنانية بعام 2019 ؟؟ مع التذكير ان كامل
القطع الاجنبي الموجود في سورية عام 2011
هو 18 مليار بحسب تصريحات وليد المعلم حينها

واضح ان الكتلة المالية الدولارية السورية موجودة
بلبنان .. وهاد موضوع قديم وليس له علاقة بالتهرب من العقوبات فقط .. والكل بيذكر انو قبل
2011 كان السعر الحقيقي ل الليرة وخاصة في
تبديل المبالغ الكبيرة يتم أخذه من شتورا ..
شتورا كانت تسعر لدمشق ودمشق تسعر لباقي
المحافظات بما فيهن حلب ..

قصة الشاشة ابتدت بلعبة كبيرة بين حاكم المركزي
السوري اديب ميالة وحاكم المركزي اللبناني
رياض سلامة ( اللص الكبير ) .. قصة فيها كتير من
التشعبات والالعاب و ممكن نحكي عنها بتفاصيل اكتر بوقت لاحق … وخلينا نطرح سؤال على هامش الموضوع .. اين ال 60 مليار دولار اللي صادرهن البنك المركزي اللبناني .. و اللي جزء كبير منهن
ايداعات للشعب وما الهن علاقة بالحكومة من
بعيد او قريب .. و حتى ايداعات النظام السابق
اللي بتعادل بحسب آخر بيانات شركة البترول السورية انتاج سورية من النفط ل 5 سنوات كاملة

تبقوا بخير …